Ханбогд сум, жишиг хашаа

“Ханбогдын хөгжлийн хурдасгуур – Оюу Толгойн сан”-ын захиалгаар Өмнөговь аймгийн Ханбогд суманд хэрэгжүүлсэн “Жишиг гудамж ба Ханбогддоо сайхан амьдаръя” төслийн хүрээнд захиалагчийн техникийн хяналтыг хэрэгжүүлэн, төслийн барилга угсралт, тохижилтын ажлуудад зураг төсөл, норм дүрэм, чанарын шаардлагын дагуу хяналт тавин ажиллав.

Уг төсөл нь иргэдэд эрчим хүчний хэмнэлттэй, байгальд ээлтэй орчны шийдлийг танилцуулах, хүртээмжтэй, нээлттэй үйл ажиллагаа бүхий загвар хашаа, байшингийн шийдлийг түгээн дэлгэрүүлэх зорилготой юм. Жишиг хашаа нь дараах бүрдэлтэй:
*Эрчим хүчний +57% хэмнэлттэй, B зэрэглэлийн сертификаттай загвар байшин
*3х3 сагсны талбай, хүүхдийн тоглоомын талбай
*Нийтийн ариун цэврийн байгууламж, саравч, сүүдрэвчтэй суудлууд
*Хүлэмж бүхий ногооны талбай – иргэдийн сургалт, дадлага, тариалалт хийх зориулалттай
*Иргэдийн амьдрах орчны тохижилт, эрүүл, аюулгүй байдал, хамтын хэрэглээний орчны загварыг харуулсан иж бүрэн шийдэлтэй