ProPM – Жендерийн тэгш байдлыг бодитоор хэрэгжүүлэгч байгууллага

💼 “Concept to Completion”

Бид төслийн санаа боловсруулах шатнаас эхлэн, төлөвлөлт, зураг төсөл, барилга угсралтын хэрэгжилт, хяналт, ашиглалтанд оруулах хүртэлх бүхий л шатанд цогц, мэргэжлийн үйлчилгээг үзүүлдэг. Манай баг олон улсын стандарт, шилдэг туршлагуудыг нутагшуулан, үйлчлүүлэгчдийн хэрэгцээ, нийгмийн хариуцлагатай уялдуулан ажилладаг.

Барилгын салбар бол уламжлалт ойлголтоор эрэгтэйчүүд давамгайлсан салбар хэмээн тооцогддог. Гэвч энэхүү тогтсон хандлагыг өөрчлөх бодит үйл хэргийг хэрэгжүүлэхээр бид зорьж ажиллаж байна.

Манай байгууллага бол эмэгтэй удирдлагатай, жендерийн тэгш оролцоог бодитоор хэрэгжүүлдэг, шинэлэг сэтгэлгээтэй, чадварлаг залуусын баг юм. Бид барилгын салбарт 50:50 хүйсийн харьцаатай баг бүрдүүлж, эмэгтэй мэргэжилтнүүдийн оролцоог зөвхөн дэмжих биш, манлайлах түвшинд хүргэж буйгаараа онцлог.

👷‍♀️ Хүчирхэг баг = Тэгш оролцоо Бидний үзэл баримтлал бол: Хүйс бол ялгарах шалтгаан биш, харин харилцан нөхөх хүч. Баг бүрдүүлэлт, удирдлагын тогтолцоонд тэгш оролцоог хангаж, шийдвэр гаргах түвшинд ч эмэгтэйчүүдийн оролцоог бодитоор хэрэгжүүлж байна. Энэ нь зөвхөн жендерийн талаас төдийгүй, төслийн чанар, бүтээмж, бүтээлч шийдэл дээр ч онцгой үр дүнг авчирч байгааг бидний гүйцэтгэсэн ажлууд харуулж байна.

🌱 Тэгш боломж = Тогтвортой хөгжил

Бидний үйл ажиллагаа нь зөвхөн нэг төслийн хүрээнд бус, нийт салбарын хөгжилд хувь нэмэр оруулах зорилготой.

Жендерийн тэгш байдал бол хүний эрхийн асуудал төдийгүй эдийн засгийн өсөлт, тогтвортой хөгжлийн гол түлхүүр юм. Жендерийн тэгш байдал гэдэг нь бидний хувьд зорилт биш, өдөр тутмын хэв маяг юм.