Build Talk #5 Хөргөлтийн шингэний шинэчлэлт

Дэлхийн дулаарлыг багасгах зорилгоор хөргөлтийн салбар хөргөх шингэнүүдээ шинэчилж байна.

🌱 Дэлхийн дулаарал болон хүлэмжийн хийн ялгарал нэмэгдсээр байгаа энэ үед олон улс орон хөргөлтийн салбарт ашиглагддаг өндөр хүлэмжийн нөлөө бүхий шингэнүүдийг (HFC – Hydrofluorocarbons) аажмаар халж, байгаль орчинд ээлтэй Global warning Potential (GWP) багатай хувилбаруудыг нэвтрүүлж эхэлжээ.

✅ HFC нь барилгын хөргөлтийн систем, автомашины эйркондейшн, хөргөгч хөлдөөгч зэрэгт өргөн хэрэглэгддэг боловч CO₂-оос хэдэн зуу дахин илүү хүлэмжийн хий ялгаруулдаг. Иймээс олон улсын хэмжээнд эдгээрийг үе шаттайгаар халж, байгалийн гаралтай хөргөх шингэн (жишээлбэл, аммиак, CO₂, пропан) болон бага хүлэмжийн нөлөөтэй шинэ төрлийн хөргөлтийн технологийг нэвтрүүлж байна.

🌍 HFC хэрэглээг бууруулах дэлхийн хамтын ажиллагаа

📌 Монреалын протоколын Кигалийн нэмэлт: 2016 онд батлагдсан энэ нэмэлтээр HFC-ийн хэрэглээг 2045 он гэхэд 80-85% бууруулах зорилт тавьсан.

📌 Европын холбоо: F-Gas журмаараа дамжуулан HFC-ийн импорт, үйлдвэрлэлд хатуу хяналт тавьж байна.

📌 Азийн улс орнууд: Хятад, Энэтхэг зэрэг томоохон үйлдвэрлэгчид HFC-ийн үйлдвэрлэлд хязгаарлалт тогтоохоор ажиллаж байна.

📌 Монгол улс: 2024 оноос эхлэн Монреалын протоколын хүрээнд хөргөлтийн шингэний шинэчлэлийн төсөлд хамрагдаж, байгальд ээлтэй хөргөлтийн системүүдийг аж ахуйн нэгжүүдэд нэвтрүүлж эхэлж байна.

🌍 Байгальд ээлтэй хөргөлтийн шинэчлэл

Дэлхийн дулааралд ихээхэн нөлөөтэй хуучин хөргөлтийн шингэнүүдийг үе шаттайгаар байгальд ээлтэй шийдлээр солих ажил хийгдэж байна.

🏢 Барилгын хөргөлтийн системд

🔹 Хуучин: R-410A (GWP-2088), R-407C (GWP-1774), HFC ангиллын хөргөгч шингэнүүд (их хэмжээний хүлэмжийн хий ялгаруулдаг)

🔹 Шинэ: R-32 (GWP-675) R454B (GWP-466) – Эрчим хүчний үр ашигтай, байгальд ээлтэй

🚗 Автомашины хөргөлтөд

🔹 Хуучин: R-134a (GWP – 1430) (дулааралд ихээхэн нөлөөтэй)

🔹 Шинэ: HFO-1234yf (GWP-4) / HFO-1234ze (GWP-7) – GWP маш бага, орчин үеийн системд тохиромжтой.

🌱 Дэлхийн дулаарлыг бууруулахад аль хөргөлтийн шингэн илүү ээлтэй болохыг харьцуулсан зургаас үзнэ үү.