Build Talk #1: CLT – Модон бүтээц

Build Talk #1: CLT – Модон бүтээц

Барилгын салбарт экологийн нөлөөг бууруулсан, ухаалаг шийдлүүд эрчимтэй нэвтэрч байна. Тэдгээрийн нэг онцлох жишээ бол CLT (Cross Laminated Timber) буюу Хөндлөн чиглэлтэй нийлмэл модон хавтан юм.

📌 CLT гэж юу вэ?

CLT нь нимгэн модон хавтангуудыг ээлжлэн, ширхгийн чиглэлийг хөндлөн байрлуулан давхарлаж наасан, олон давхар бүтэцтэй өндөр бат бэхтэй модон материал юм. Энэ нь зөвхөн гоо зүй бус, даацын хувьд ч бетонтой өрсөлдөхүйц бүтээц болж чаддаг.

🌱Байгальд ээлтэй, бат бөх шийдэл

🌱Хөнгөн жинтэй, даац сайтай

🌱Дулаан болон дуу тусгаарлах чадвар өндөр

🌱Төмөр бетон хийцтэй харьцуулахад хүлэмжийн хий бага ялгаруулдаг

🌱Үйлдвэрт урьдчилан бэлтгэсэн тул барилга угсралтын хугацааг богиносдог

🌍 Дэлхий дахинд CLT

Энэхүү технологи анх 1990-ээд оны дунд үед Австри улсад бий болжээ. Өнөөдөр Их Британи, Итали, Швейцарь, Канад, АНУ, Австрали, Япон зэрэг оронд өргөн хэрэглэгдэж, бүр олон давхар өндөр барилгууд ч CLT-ээр баригдах болжээ.

🏢 Жишээ барилга: CLT-ээр барьсан 11 давхар төв

Сүүлийн үеийн нэг онцлох жишээ бол Японы Ёкохама хотод байрлах Порт Плас 11 давхар, галд тэсвэртэй, цэвэр модон бүтээцтэй сургалт болон хүлээн авалтын зориулалттай барилга юм. Барилгын ханын хийц, шал, дээврийг бүгдийг CLT хавтангаар хийсэн ба дотор засал чимэглэлд хүртэл ашигласан.

Энэ нь CLT-ийг зөвхөн амины орон сууц биш, олон айлын орон сууц, оффис, зочид буудал зэрэгт модон бүтээцийг орчин үеийн олон төрлийн дэвшилтэт шийдлүүдтэй хослуулан өндөр барилгад үр дүнтэй ашиглах боломжтойг харуулсан бодит жишээ болж байна.